ციხიდან ვადაზე ადრე გათავისუფლებულმა კაცმა ყოფილ ცოლს 11 ჭრილობა მიაყენა - რა მოხდა ლილოში?

ციხიდან, ვადაზე ადრე გათავისუფლებულმა კაცმა ყოფილ ცოლს დანით 11 ჭრილობა მიაყენა და შემთხვევის ადგილიდან გაიქცა.

არსებული ინფორმაციის თანახმად, პოლიცია 30 წლის დავით ზურაბიშვილს ეძებს.

შემთხვევა ერთ-ერთ ჯიხურში მოხდა, სადაც დაჭრილი მუშაობდა. არსებული ინფორმაციით, კაცი დაწესებულებაში შევარდა და ქალს თავს დაესხა. 

 შემთხვევის ადგილი შეაიარებულმა კაცმა საზოგადოებრივი ტრანსპორტით დატოვა. 

ადგილზე საგამოძიებო მოქმედებები უკვე ჩატარდა, ამოიღეს ვიდეო-ჩანაწერები.

სავარაუდო თავდამსხმელი სასჯელს ცოლზე ძალადობის ბრალდებით იხდიდა,  და 4 წლამდე პატიმრობა ჰქონდა მისჯილი. მან თუმცა ციხე  მიმდინარე წლის 12 აგვისტოს, ვადაზე ადრე, ელექტრონული სამაჯურით დატოვა.

მომხდარ ფაქტთან დაკავშირებით, გამოძიება ორი, განზრახ მკვლელობის მცდელობის და ადევნების მუხლებით არის დაწყებული.